Human Rights Watch (HRW)-ը զգուշացրել է Վրաստանում «բողոքի խաղաղ ցույցերի արդյունավետ քրեականացման» մասին և այդ գործընթացի դադարեցման նպատակով կոչ է արել միջազգային գործընկերներին ճնշում գործադրել երկրի իշխանությունների վրա։

«Վերջին տարվա ընթացքում տեղի ունեցած բողոքի զանգվածային ցույցերին Վրաստանի կառավարության արձագանքը համակարգված արշավ էր՝ քննադատությունը ճնշելու և մարդկանց փողոց դուրս գալը կանխելու համար։ Վրաստանի միջազգային գործընկերները պետք է ճնշում գործադրեն իշխանությունների վրա՝ անհապաղ դադարեցնելու համար այս բռնաճնշողական կուրսը և վերականգնելու խաղաղ հավաքների տարածքը», — ասել է HRW-ի Եվրոպայի և Կենտրոնական Ասիայի գծով փոխտնօրեն Գիորգի Գոգիան։

Ըստ կազմակերպության՝ իշխանությունները ստեղծում են «թշնամական և պատժիչ մթնոլորտ» 2024 թվականի վերջին ԵՄ անդամակցության գործընթացը սառեցնելու որոշման դեմ բողոքող հազարավոր մարդկանց համար։