Թբիլիսիի Նարիկղալա բերդ-ամրոցը կվերանորոգվի: Այս մասին տեղեկացնում է Թբիլիսիի քաղաքապետարանը։

Ըստ քաղաքապետարանի՝ վերանորոգումը կարժենա մոտավորապես 5,5 մլն լարի։ Նախագիծը ներառում է բերդամրոցի արտաքին պարագծի հիմնական կայանների հենարանների վերականգնումը և ներքին պարագծի բարեկարգումն ու դասավորությունը, ինչպես նաև՝ գեղարվեստական ​​և դեկորատիվ լույսերի տեղադրումը։

Թբիլիսիի քաղաքապետ Կախա Կալաձեի խոսքով, քաղաքապետարանն ավարտել է վերանորոգման աշխատանքների առաջին փուլը, և այժմ մեկնարկում է երկրորդը։

Աշխատանքներն իրականացնելու համար համապատասխան ընկերության ընտրության մրցույթ դեռ չի հայտարարվել։ Քաղաքապետարանի տեղեկացմամբ՝ վերանորոգման աշխատանքները նախատեսվում է ավարտել մինչև 2025 թվականի հունիսը։

Շինարարական աշխատանքները վերահսկելու է մշակութային ժառանգության գործակալությունը։