9 քաղաքացիական կազմակերպություն արձագանքել է «Վրացական երազանք-ի նախաձեռնած «Ընդհանուր դատարանների մասին» օրենքում կատարված փոփոխություններին։
Նրանց խոսքով՝ փոփոխությունները վերադառնում են 2007-2013 թվականների միջև գործող պրակտիկային և գործնականում ամբողջությամբ արգելում են հանրությանը դատական գործընթացների վերաբերյալ փաստաթղթավորված տեղեկատվության տրամադրումը։
Կազմակերպությունները գրել են, որ այս փոփոխությունները մեծացնում են համակարգում իշխանության կոնսոլիդացիայի աստիճանը, նաև դատական համակարգը փակում են հանրության և լրատվամիջոցների առաջ։
Հայտարարությունը տարածել են հետևյալ կազմակերպությունները`
- Ազատության զարգացման ինստիտուտ
- Սոցիալական արդարադատության կենտրոն
- Վրաստանի երիտասարդ իրավաբանների ասոցիացիա
- Վրաստանի ժողովրդավարական նախաձեռնություն
- Քաղաքացիական հասարակության հիմնադրամ
- Թրանսփարենսի Ինթերնեշնլ Վրաստան
- Իրավունքներ Վրաստան
- Արդար ընտրությունների և ժողովրդավարության միջազգային ընկերություն
- Մարդու իրավունքների կենտրոն
