«Վրացական երազանք»-ի վարչապետ Իրակլի Կոբախիձեն հանդիպել է ԵԱՀԿ խորհրդարանական վեհաժողովի (ԵԱՀԿ ԽՎ) նախագահ Պերե Ժոան Պոնս Սամպիետրոյին։
Հաղորդագրության համաձայն՝ կողմերը քննարկել են Վրաստանի և ԵԱՀԿ-ի միջև երկկողմ համագործակցության օրակարգը։
Կոբախիձեն ասել է, որ Վրաստանը գնահատում է ԵԱՀԿ-ի կարևոր դերը, այդ թվում՝ հակամարտությունների հետ կապված հարցերում։
«Հանդիպման ընթացքում ուշադրություն է դարձվել երկրում ընթացող քաղաքական գործընթացներին, իրականացված օրենսդրական փոփոխություններին և ժողովրդավարական պետությունում օրենքի գերակայության պահպանման անհրաժեշտությանը», — ասված է հայտարարության մեջ։
Հանդիպմանը մասնակցել են արտաքին գործերի նախարար Մակա Բոճորիշվիլին, կառավարության աշխատակազմի ղեկավար Լևան Ժորժոլիանին և արտաքին հարաբերությունների խորհրդարանական կոմիտեի նախագահ Նիկոլոզ Սամխարաձեն։
Այցի շրջանակներում ԵԱՀԿ խորհրդարանական վեհաժողովի նախագահը հանդիպել է նաև խորհրդարանի նախագահ Շալվա Պապուաշվիլիին և Հանրային պաշտպան Լևան Իոսելիանիին։
