Մեծ Բրիտանիայի Եվրոպայի հարցերով նախարար Սթիվեն Դաուդի նախաձեռնությամբ տեղի է ունեցել համակարգող հանդիպում Վրաստանում ստեղծված իրավիճակի վերաբերյալ։
Այս տեղեկությունը հայտնել է Ֆրանսիայի եվրոպական հարցերով նախարար Բենջամին Հադադը։
«Այսօր մասնակցեցի գործընկեր երկրների հետ համակարգող հանդիպմանը, որը տեղի ունեցավ Սթիվեն Դաուդի նախաձեռնությամբ՝ Վրաստանում ստեղծված իրավիճակի վերաբերյալ։ Այս ընթացքը հակասում է վրաց ժողովրդի եվրոպական ձգտումներին, և մենք սա անպատասխան չենք թողնի», — գրել է Բենջամին Հադադը X-ում։
Նրա հրապարակած լուսանկարից երևում է, որ հանդիպումը տեղի է ունեցել առցանց, որին մասնակցել են Շվեդիայի, Ֆրանսիայի և Մեծ Բրիտանիայի ներկայացուցիչներ, Եվրոպական Միության արտաքին գործողությունների ծառայությունը և Հելսինկյան հանձնաժողովի խորհրդատու Մայքլ Չեչիրեն։
Հիշեցնենք, որ երեկ՝ հունիսի 30-ին, Վրաստանի դեսպանատան գործերի ժամանակավոր հավատարմատարը կանչվել էր Մեծ Բրիտանիայի արտաքին գործերի նախարարություն։ Մեծ Բրիտանիայի ներկայացուցիչը հայտնել էր իր դիրքորոշումը Վրաստանի «աճող և վնասակար հետագծի» վերաբերյալ և վճռականորեն բողոքել Մեծ Բրիտանիայի և նրա միջազգային գործընկերների դեմ «Վրացական երազանք»-ի սկսած կեղծ մեղադրանքների և հրապարակային հարձակումների դեմ։
Վրաստանի գործերի ժամանակավոր հավատարմատարին կանչել են Մեծ Բրիտանիայի ԱԳՆ
