Թբիլիսիի քաղաքային դատարանի որոշումը «Փոփոխությունների կոալիցիա»-ի առաջնորդներից մեկին՝ Նիկա Մելիային պայմանական ազատազրկման դատապարտելու վերաբերյալ, պաշտպանական կողմը կբողոքարկի Վերաքննիչ դատարանում։
Փաստաբան Բեքա Կվինիկաձեն լրագրողներին հայտնել է, որ պաշտպանական կողմն օգտագործում է իր տրամադրության տակ եղած բոլոր տարբերակները, և այսօրվա վերաքննիչ բողոքը ծառայում է այդ նպատակին։
«Դատավճիռը լիովին անհիմն և անօրինական է։ Ոչ մի կերպ հիմնավորված չէ, թե ինչու է Նիկա Մելիայի դեպքում նշանակվել պատիժը, նաև հիմնավորված չէ, թե ինչու է այս դեպքում նշանակվել ամենախիստ պատիժը՝ ազատազրկումը։ Մեր վերաքննիչ բողոքում մանրամասն ներկայացված է, թե ինչու չպետք է նշանակվեր ամենախիստ պատիժը։ Հաշվի առնելով, որ երկրում դատական մարմին չունենք, մենք դրական սպասումներ չունենք Վերաքննիչ դատարանից», — ասել է Կվինիկաձեն։
Հիշեցնենք, որ «Փոփոխությունների կոալիցիա»-ի առաջնորդներից մեկը՝ Նիկա Մելիան, դատապարտվել է 8 ամիս ազատազրկման ժամանակավոր քննչական հանձնաժողովին չներկայանալու համար, նաև նրան արգելվել է պետական պաշտոն զբաղեցնել 2 տարվա ընթացքում։
