Վրաստանի հանրային պաշտպան Լևան Իոսելիանին և առաջին տեղակալ Թամար Գվարամաձեն հանդիպել են ԵԱՀԿ մարդկային չափման «Մոսկվայի մեխանիզմի» շրջանակներում նշանակված զեկուցող Պատրիցիա Գրժեբիկին։

Տեղեկությունը հրապարակել է Հանրային պաշտպանի լրատվական ծառայությունը։

Հաղորդագրության համաձայն՝ հանդիպման ժամանակ Լևան Իոսելիանին խոսել է 2024 թվականին շարունակվող բողոքի ցույցերի ժամանակ ձերբակալված անձանց իրավունքների պաշտպանության ուղղությամբ իրականացված վերահսկողության, նրանց կալանքի պայմանների, պահման պայմանների և առողջական վիճակի ուսումնասիրության մասին։

«Նա նաև խոսել է Վրաստանի օրենսդրության մեջ հավաքների և ցույցերի իրավունքի վերաբերյալ կատարված փոփոխությունների և հանրային պաշտպանի ներկայացրած սահմանադրական հայցերի մասին։ Նա հյուրին ծանոթացրել է ցույցի մասնակիցների քրեական գործերի վերաբերյալ մշակած կարծիքներին և այն միջոցառումներին, որոնք օմբուդսմենն իրականացնում է իր մանդատի շրջանակներում», — ասված է հաղորդագրության մեջ։