Երկուշաբթի առավոտյան Վրաստանի Լենտեխի-Լասդիլի ճանապարհի 91-րդ կիլոմետրում՝ Բաբիլ գյուղի մոտ, սողանք է տեղի ունեցել։
Ճանապարհների դեպարտամենտի և քաղաքապետարանի փոխանցմամբ` սողանքի հետևանքով ժամանակավորապես արգելվել է բոլոր տեսակի երթևեկությունը։
Ըստ հաղորդագրության, սողանքից վնասվել է մեկ ավտոմեքենա, երկու ուղևորներին հաջողվել է անվնաս դուրս գալ մեքենայից։
Քաղաքապետարանից հայտնել են, որ դեպքի վայրում մոբիլիզացվել է ծանր տեխնիկա, շարունակվում են ճանապարհների մաքրման և վերականգնման աշխատանքները։
Ընթացիկ տեղեկատվության համաձայն, ճանապարհը երթևեկության համար կվերաբացվի օրվա ընթացքում։
