ԱՄՆ-ում Վրաստանի դեսպանատան հաղորդմամբ, դեսպան Թամար Տալիաշվիլին Վրաստանի դեսպանատանը հանդիպել է ԱՄՆ Պետդեպարտամենտի պլանավորման քաղաքականության ավագ խորհրդական Ջոնաթան Ասկոնասին և հատուկ օգնական Չարլզ Իոկին։
Դեսպանատան հաղորդմամբ՝ վրացական կողմը «կրկին հայտնել է ԱՄՆ-ի հետ հարաբերությունները վերակարգավորելու իր պատրաստակամությունը և ընդգծել է երկու երկրների միջև ռազմավարական գործընկերության վերականգնման կարևորությունը»։
«Նշվել է Վրաստանի դերը որպես տարածաշրջանային կապող օղակ, և քննարկվել է Միջին միջանցքի տրանսպորտային ներուժի հարցը։
Զրույցի ընթացքում անդրադարձ է եղել միջազգային մակարդակով ընթացող և զարգացող գործընթացներին, և ընդգծվել է տարածաշրջանում խաղաղության ու կայուն զարգացման կարևորությունը։
Ամերիկյան կողմը հաստատել է իր անսասան աջակցությունը Վրաստանի ինքնիշխանությանը և տարածքային ամբողջականությանը», — ասված է հաղորդագրության մեջ։
