Վրաստանի ներքին գործերի նախարարության հաղորդմամբ` Թբիլիսիի գլխավոր վարչության աշխատակիցները ձերբակալել են 1999 թվականին ծնված, նախկինում դատված Ն.Մ.-ին։
Նա ձերբակալվել է թմրանյութերի ապօրինի վաճառքին նպաստելու մեղադրանքով։
Հանցագործությունը պատժվում է մինչև 10 տարի ազատազրկմամբ։
Որպես ապացույց առգրավվել է Ն.Մ.-ի անօրինական կերպով ձեռք բերած, պահվող և վաճառքի համար փաթեթավորված «չորացրած մարիխուանա» թմրանյութ։
«Նա ձերբակալվել է որպես կասկածյալ», — ասված է ՆԳՆ հայտարարության մեջ:
Նախարարության հաղորդմամբ՝ հետաքննությունը շարունակվում է Քրեական օրենսգրքի 260-4 հոդվածի համաձայն։
