Թբիլիսիի պետական ​​համալսարանի (ԹՊՀ) ռեկտոր Ջաբա Սամուշիան չի հաստատել իր հրաժարականի մասին լուրը։ Այս տեղեկությունը տարածել է Interpressnews-ը։

Սամուշիայի հնարավոր հրաժարականի մասին տեղեկությունը տարածել է ԹՊՀ պրոֆեսոր Թամար Բելկանիան։

«Կրթության նախարարի հետ երեկվա հանդիպման ժամանակ Ջավախիշվիլիի համալսարանի ռեկտորը որոշում է կայացրել դադարեցնել իր լիազորբւթյունները», — TV Pirveli-ին ասել էր նա։

Հիշեցնենք, փետրվարի 6-ին ԹՊՀ-ի և Վրաստանի տեխնիկական համալսարանի (ՎՏՀ) ներկայացուցիչները հանդիպել են «Վրացական երազանք»-ի կրթության նախարար Գիվի Միքանաձեին։ Մինչ այդ, Միքանաձեի տեղակալ Զվիադ Գաբիսոնիան առանձին հանդիպումներ է ունեցել համալսարանների գիտական ​​խորհուրդների անդամների հետ։ Հանդիպումների թեման «Վրացական երազանք»-ի որոշումն է ԹՊՀ-ի և ՎՏՀ-ի միավորման մասին։

Ե՛վ ԹՊՀ Սենատը, և՛ ԹՊՀ-ի գիտական ​​խորհուրդը պահանջում են չեղարկել այդ որոշումը։ Միավորմանը դեմ են և՛ ուսուցիչները, և՛ համալսարանի դասախոսները, և ուսանողները։