Ֆինանսների նախարարությունը խորհրդարան է ներկայացրել 2026 թվականի բյուջեի վերջնական նախագիծը:
Transparency International Georgia-ի (TI) տվյալներով՝ փաստաթուղթն ընդգծում է մի քանի կարևոր միտումներ.
Բյուջեի եկամուտները աճում են 3.2 միլիարդ լարիով և հասնում 30.8 միլիարդի՝ աճի մեծ մասը կապված է նոր պարտքերի ստանձնման և հարկային եկամուտների ավելացման հետ։
Պետական հատվածում աշխատավարձերն աճում են 10%-ով. վարչապետի, նախագահի և խորհրդարանի խոսնակի աշխատավարձը աճում է մինչև 16 հազար լարի, նախարարներինը՝ մինչև 13 հազար 600 լարի, պատգամավորներինը՝ մինչև 12 հազար 800 լարի։
- Կենսաթոշակներն աճում են.
– 70 տարեկանից փոքր անձանց համար +20 լարի (370 լարի),
– 70 տարեկանից բարձր անձանց համար +45 լարի (495 լարի)։ - Պետական հատվածում զբաղվածությունն աճում է 166 մարդով, մասնավորապես՝ դատախազությունում, աուդիտի ծառայությունում և Ներքին գործերի նախարարությունում։
- Արտաքին գործերի նախարարությունում կրճատվում է 79 պաշտոն, հիմնականում ԵՄ/ՆԱՏՕ ինտեգրման հետ կապված ոլորտներում։
- Կապիտալ նախագծերի բյուջեն կազմում է 6.1 միլիարդ լարի, որը 565 միլիոնով պակաս է 2025 թվականի համեմատ. կրճատման մեծ մասը վերաբերում է արագընթաց մայրուղիների և կրթական ու գիտական ենթակառուցվածքների ֆինանսավորմանը։
- Առողջապահության նախարարության ֆինանսավորումն աճում է ռեկորդային 849 միլիոն լարիով և հասնում 9.7 միլիարդ լարիի։
- Դրամաշնորհները նվազում են. նախատեսվում է ընդամենը 85 միլիոն լարի։
- Կառավարությունն ստանձնում է 5.1 միլիարդ լարի նոր պարտք, որից 1.4 միլիարդը կօգտագործվի եվրոբոնդերի վերաֆինանսավորման համար։
