Թբիլիսիի քաղաքապետարանի հաղորդմամբ՝ մետրոյի «Վարկեթիլի» կայարանի վերանորոգման ընթացքում կստեղծվի ժամանակավոր ավտոբուսային երթուղի` ուղևորներին մոտակա մետրոյի կայարան տեղափոխելու համար։
Մասնավորապես, N174 ավտոբուսը կշեղվի Ջավախեթիի և Լիզա Նակաշիձե-Բոլքվաձեի փողոցների խաչմերուկից դեպի մետրոյի «Վարկեթիլի» կայարան և ուղևորներին կտեղափոխի մետրոյի «Սամգորի» կայարան։
«N174 ավտոբուսը կգործի շրջանաձև երթուղով՝ մետրոյի «Սամգորի» կայարանի վերին ելքից մինչև մետրոյի «Վարկեթիլի» կայարանի հարակից տարածք և հակառակը», — ասված է հաղորդագրության մեջ։
Ի դեպ, հուլիսի 12-ից մետրոյի «Վարկեթիլի» կայարանը կփակվի 45 օրով:
