Թբիլիսիի քաղաքային դատարանը Բակուրիանիում «անօրինական եկամուտների օրինականացման» համար մեղադրվող «Քրիստալ Գրուպ»-ի սեփականատեր Վլադիմիր Ստեփանյանի նախնական կալանքը փոխարինվել է երկու միլիոն լարի գրավով։

Նոյեմբերի 10-ից Թբիլիսիի քաղաքային դատարանը նրա նկատմամբ խափանման միջոց էր կիրառել կալանքը։

Այս գործի քննությունը վարում է Ֆինանսների նախարարության քննչական ծառայությունը։

Նոյեմբերի 8-ին կայացած ճեպազրույցում գերատեսչությունից հայտնել են, որ մեղադրյալը Բակուրիանի շրջանի Դիդվելիի տարածքում անօրինական և կամայականորեն կառուցել է հինգ հյուրանոց։

Ավելին, ընկերությունն անօրինական կառուցել է մասնավոր ճոպանուղի, դահուկային լանջ և սահադաշտ, որոնց օգտագործումը հասանելի է եղել միայն «Քրիստալ Գրուպ»-ի հաճախորդներին։