2025 թվականի հունվար-նոյեմբեր ամիսներին անտոմս երթևեկության համար տուգանքներից գանձվել է 2 մլն 129 հազար 631 լարի, նշված է Ֆինանսների նախարարության Վրաստանի միասնական բյուջեի եկամուտների մասին հաշվետվության մեջ։

Գանձարանի տվյալների համաձայն՝ այս տարվա 11 ամիսներին, նախորդ տարվա նույն ժամանակահատվածի համեմատ, պատժամիջոցներից և տուգանքներից ստացված եկամուտն աճել է։

Մասնավորապես, այս տարվա հունվար-նոյեմբեր ամիսներին վերոնշյալից գանձվել է 365 մլն 824 հազար 285 լարի, իսկ 2024 թվականի նույն ժամանակահատվածում՝ 357 մլն 821 հազար 417 լարի։

Նշենք, Թբիլիսիում հասարակական տրանսպորտով անտոմս երթևեկելու համար կիրառվում է 20 լարի տուգանք։ Եթե անձը 30 օրվա ընթացքում չի վճարում տուգանքը, ապա սահմանվում է 40 լարի տուգանք։