Ներքին գործերի նախարարության սահմանային ոստիկանության մամուլի ծառայության հաղորդմամբ՝ Ափամերձ պահպանության դեպարտամենտի աշխատակիցները Վրաստանի տարածքային ջրերում կալանավորել են Մալթայի դրոշի ներքո նավարկող SEAEXPRESS նավը՝ նավարկության կանոնները խախտելու համար։

Գործակալության տվյալներով՝ Սահմանային ոստիկանության գլխավոր օպերատիվ-հետախուզական վարչության աշխատակիցները նավի կապիտանի դեմ վարույթ են հարուցել նավարկության կանոնները խախտելու համար` Վրաստանի վարչական իրավախախտումների օրենսգրքի 114-րդ հոդվածի 1-ին մասի համաձայն։

Նավի կապիտանին տուգանել են 50 հազար լարիի չափով։ Տուգանքը վճարելուց հետո նավին թույլատրվել է նավարկությունը շարունակել։

SEAEXPRESS-ը 180 մետր երկարությամբ տանկեր է (նավի տեսակ)։ Նավիգացիոն տվյալների համաձայն՝ նավը գտնվում էր Վրաստանի ջրերում՝ Կղուլևի և Փոթի նավահանգիստների մոտակայքում։