Վրաստանի ազգային վիճակագրական ծառայության հաղորդմամբ՝ 2024 թվականին Վրաստանում գործել է շուկաների կազմակերպմամբ զբաղվող 197 տնտեսվարող սուբյեկտ:

Դրանցից 35.5%-ը գտնվում է Թբիլիսիում, 17.3%-ը՝ Իմերեթիում, 12.2%-ը՝ Սամեգրելո-Զեմո Սվանեթիում, 11.7%-ը՝ Կախեթիում, 7.1%-ը՝ Քվեմո Քարթլիում, 5.1%-ը՝ Աջարիայում, 4.6%-ը՝ Շիդա Քարթլիում, 2.0%-ը՝ Մցխեթա-Մթիանեթիում, 2.0%-ը՝ Սամցխե-Ջավախեթիում, իսկ 1.5%-ը՝ Գուրիայում և 1.0%-ը Ռաճա-Լեչխումիի և Քվեմո Սվանեթիի շրջաններում։

Geostat-ի հրապարակած տեղեկատվության համաձայն՝ շուկաների կազմակերպմամբ զբաղվող տնտեսվարող սուբյեկտների համար ամենատարածված իրավական ձևը սահմանափակ պատասխանատվությամբ ընկերությունն էր, որը կազմում էր 2024 թվականին գործող շուկաների և տոնավաճառների ընդհանուր թվի 75.1%-ը, իսկ անհատ ձեռնարկատերերը կազմում էին 21.8%-ը։