Վրաստանի Խարագաուլիի շրջանում սողանքի պատճառով մի քանի գյուղից տարհանվել է 8 ընտանիք։

Գյուղերում մնացած ընտանիքները սպասում են տեղական իշխանությունների արձագանքին և երկրաբանների եզրակացությանը։

Սողանքը վնասել է բնակելի շենքեր, գյուղատնտեսական հողեր և կենտրոնական մայրուղիներ։

Վերջին 2 շաբաթվա ընթացքում գյուղերում մի քանի անգամ սողանքներ են տեղի ունեցել։ Քաղաքացիներին զգուշացնելու համար գյուղերի մուտքերի մոտ տեղադրվել են նախազգուշական նշաններ։ Սողանքային երևույթները դեռևս շարունակվում են։ Տեղացիները դրա մասին տեսանյութեր են հրապարակում սոցիալական ցանցերում։

«Տները փլուզման եզրին են։ Ընտանիքները, որոնց տները լրջորեն վնասվել են, տարհանվել են գյուղից», — TV Pirveli-ին պատմել են տեղացիները։