«Պարի Սեն-Ժերմեն»-ի վրացի ֆուտբոլիստ Խվիչա Կվարացխելիան ճանաչվել է Չեմպիոնների լիգայի 2025/2026 մրցաշրջանի լավագույն ֆուտբոլիստ։ Այս տեղեկությունը տարածել է մրցաշարի պաշտոնական էջը։

Կվարացխելիան Չեմպիոնների լիգայի մրցաշրջանում մասնակցել է 16 հանդիպման։ Նա խաղադաշտում անցկացրել է 1141 րոպե, խփել 10 գոլ և կատարել 6 գոլային փոխանցում։

«Պարի Սեն-Ժերմեն»-ը վրացի ֆուտբոլիստի հետ միասին երկրորդ անգամ անընդմեջ հաղթեց ամենահեղինակավոր ակումբային մրցաշարում։

ՈՒԵՖԱ-ի պաշտոնական կայքում այսպես է գնահատվում վրացի ֆուտբոլիստի անցկացրած մրցաշրջանը.

«Անգերազանցելի եզրային վրացի հարձակվողը հսկայական դեր խաղաց փարիզեցիների երկրորդ անընդմեջ տիտղոսը նվաճելու գործում։ Մրցաշարի ընթացքում նա խփեց 10 գոլ և կատարեց 6 գոլային փոխանցում՝ աչքի ընկնելով ձախ թևում իր փայլուն խաղով։

Նա վճռորոշ դերակատարում ունեցավ նաև «Արսենալ»-ի դեմ հաղթական ֆինալում…
Կարելի է ասել, որ Կվարացխելիայի լավագույն խաղը տեսանք «Բավարիա»-ի դեմ 5:4 հաշվով հաղթական՝ անմոռանալի առաջին կիսաեզրափակիչ խաղում, երբ նա, նախ, գեղեցիկ հարվածով հավասարեցրեց հաշիվը (1:1), իսկ երկրորդ խաղակեսում հզոր հարվածով հիանալի ոճով ձևակերպեց դուբլ»։