Վրաստանում ԱՄՆ-ի դեսպանատունը ընդհանուր առմամաբ կիսում է միջազգային դիտորդների խորհրդարանական ընտրությունների վերաբերյալ գնահատականները։
Վրաստանում ԱՄՆ դեսպան Յան Քելլին հրավիրած մամուլիս ասուլիսում ասել է․«ԱՄՆ-ի դեսպանատունը համաձայն է միջազգային դիտորդների՝ այդ թվում նաև ԵԱՀԿ-ի և այլ միջազգային կազմակերպությունների այն գնահատականների հետ, որոնք արձանագրել են, որ ընտրություններն անցել են կազմակերպված միջավայրում, որտեղ հիմնական արժեքները պահպանված են եղել»:
Քելիի խոսքով, երկրի շրջանների մեծ մասում բնակչությունը հնարավորություն է ունեցել ազատ ընտրություն կատարել, սակայն եղել են մի քանի շրջաններ, որտեղ մարդկանց նկատմամբ բռնության ու ահաբեկման փորձեր են եղել:
«Այդ թվում էր նաև Մառնեուլին: Մենք խստորեն դատապարտում ենք այստեղ տեղի ունեցած միջադեպը: Իրավապահ մարմիններին կոչ ենք անում առավելագույնս մանրամասն հետաքննություն իրականացնել: Սա դեռ առաջին փուլն էր, առաջիկայում կլինի նաև երկրորդ փուլ և մենք լիահույս ենք, որ առաջ եկած խնդիրները քաղաքական ուժերը կլուծեն հանգիստ և խաղաղ ճանապարհով»,-հայտարարել է Վրաստանում ԱՄՆ-ի դեսպանը:
