Հայաստանի և Վրաստանի մշակույթի նախարարները՝ Լիլիթ Մակունցն ու Միխեիլ Գիորգաձեն, այցելել են Թբիլիսիի Պետրոս Ադամյանի անվան հայկական պետական դրամատիկական թատրոն: 
Հիշեցնենք, որ թատրոնի խարխուլ շենքն այս շրջանում հիմնովին վերակառուցվում է։ Վրաստանի մշակույթի նախարարը հայ գործընկերոջը ներկայացրել է շինարարության հետ կապված նորությունները։
«Պատմական այս վայրում առաջիկայում վեր կխոյանա նոր, բազմաֆունկցիոնալ մի շենք։ Վստահեցնում եմ, որ այսպիսի մեծ բյուջե ոչ մի թատրոնի կառուցման վրա չի ծախսվել։ Կարծում եմ թատրոնի շենքը քաղաքի այցեքարտներից մեկը կդառնա»,-ասաց Գիորգաձեն։
