Վրաստանի վարչապետ Իրակլի Ղարիբաշվիլիի խոսքով՝ 2022 թվականի հունվարից հանրային ծառայողների աշխատավարձը կբարձրանա:
Վարչապետի խոսքով, պետական ծառայությունում աշխատող մարդիկ մոտիվացիա չունեն և պետական ծառայողների աշխատավարձերը տարիների ընթացքում չեն բարձրացել:
Նրա խոսքով՝ կրկնապատկվելու է նաև քաղաքապետերի աշխատավարձը, քանի որ քաղաքապետի համար աներևակայելի է աշխատել 2000 լարիով:
«Քաղաքապետերի աշխատավարձը կազմում է 1800-2000 լարի, դա բացարձակապես անհամապատասխան է այսօրվա իրականությանը: Պետական ծառայողների աշխատավարձերը տարիների ընթացքում չեն ավելացել, բացառությամբ նախարարության մակարդակով տեղական որոշ որոշումների, նախարարությանը միասնական տեսլական չի ներկայացվել: 2022 թվականի հունվարից մենք փուլ առ փուլ կսկսենք բարձրացնել պետական ծառայողների աշխատավարձերը: Մենք կբարձրացնենք քաղաքապետերի աշխատավարձերը և գործնականում որոշել ենք կրկնապատկել այն», — այսօրվա կառավարության նիստում նշեց Իրակլի Ղարիբաշվիլին:
