Վրաստանում բարդ ընթացքով բնութագրվող գրիպի դեպքեր վերջին շաբաթներին չեն նկատվել, դրան հաջորդել է շնչառական սինցիտիալ վիրուսը, վրաստանյան InterPressNews լրատվամիջոցին ասել է Իաշվիլիի անվան կենտրոնական մանկական հիվանդանոցի բժշկական տնօրեն, Թբիլիսիի պետական բժշկական համալսարանի պրոֆեսոր Իվանե Չխաիձեն։
Չխաիձեն նշել է, որ շնչառական սինցիտիալ վիրուսը առաջացնում է փոքր բրոնխների պատերի բորբոքում, դրանց տրամագծի փոքրացում, որը դրսևորվում է հազի նոպայով, շնչառության դժվարությամբ, ջերմաստիճանի բարձրացմամբ, նաև բնութագրվում է շնչառության արագացմամբ՝ շնչուղիների օժանդակ մկանների մասնակցությամբ։
«Մենք չէինք սպասում, որ մայիսին գրիպի վիրուս կլինի։ Հիվանդությունների վերահսկման ազգային կենտրոնի վերջին տվյալները ցույց են տալիս, որ լաբորատոր հաստատված դեպքերի շարքում գրիպի մասնաբաժինը կազմում է 23 տոկոս։ Սա վերաբերում է գրիպանման հիվանդություններին, որոնք բուժվում են առաջնային առողջապահության հաստատություններում։ 23 տոկոսը բավականին բարձր է։ Այս 23 տոկոսը պայմանավորված է A տիպի վիրուսով։ B տիպի վիրուս չի հայտնաբերվել», — նշել է Չխաիձեն:
