Համատեղ ներդրումային հիմնադրամի նախկին ղեկավար Գիորգի Բաչիաշվիլիի փաստաբան Դավիթ Ջանդիերին հայտարարել է, որ դիմելու է դատախազություն՝ գործարարի Վրաստան «առևանգման» գործով հետաքննություն սկսելու համար։
«Պահանջում ենք անհապաղ սկսել հետաքննություն և իրականացնել բոլոր անհրաժեշտ քննչական գործողությունները դատական նիստում նրա բարձրաձայնած փաստերը պարզելու համար։ Հանցագործության հետքերը չկորցնելու համար պահանջում եմ անհապաղ իրականացնել քննչական գործողություններ», — «Ազատություն» ռադիոկայանին ասել է Գիորգի Բաչիաշվիլիի փաստաբան Դավիթ Ջանդիերին։
Նրա խոսքով, եթե հետաքննությունը արդյունավետ չլինի, նրանք կքննարկեն նաև Ստրասբուրգի դատարան դիմելու հարցը։
Գիորգի Բաչիաշվիլին Ռուսթավիի քրեակատարողական հիմնարկից տեղափոխվել է Գլդանի. փաստաբանը նշել է, որ քրեակատարողական ծառայությունը դա պատճառաբանել է դատական գործընթացներին մեղադրյալի մասնակցելու ցանկությամբ։
