Բաթումիի քաղաքային դատարանում ընթանում է «Բաթումելեբի»-ի և «Նեթգազետի»-ի հիմնադիր տնօրեն Մզիա Ամաղլոբելիի գործի քննարկումը։

Դատարանի դիմաց հավաքվել են լրագրողի կողմնակիցները։ Ամաղլոբելիի դատավարությանը մասնակցում է Բաթումիում Մեծ Բրիտանիայի դեսպանատան ներկայացուցիչ, քաղաքական երկրորդ քարտուղար Սայմոն Քուքը։ Ադրբեջանցի լրագրող Աֆգան Սադիգովը ևս հետևում է դատավարության ընթացքին։

Հիշեցնենք. Ամաղլոբելին հունվարի 12-ին կալանավորվել է ոստիկանին ապտակելու համար։

Ըստ Քրեական օրենսգրքի 353-րդ հոդվածի, որը ներկայացվել է լրագրողին, նախատեսվում է 4-ից 7 տարի ազատազրկում։