«Վրացական երազանք»-ի արտաքին գործերի նախարար Մակա Բոճորիշվիլին հանդիպել է Վրաստանում Մեծ Բրիտանիայի արտակարգ և լիազոր դեսպան Գարեթ Ուորդին։
Տարածված հայտարարության մեջ ասվում է, որ Բոճորիշվիլին և դեսպանը անդրադարձել են Վրաստանում տեղի ունեցող գործընթացներին, այդ թվում՝ «Վրացական երազանք»-ի վերջերս ընդունած օրենքներին և արդարադատության խնդիրներին, որոնք, ենթադրաբար, ներառում են ընդդիմադիր քաղաքական գործիչների ձերբակալությունները։
Զրույցում շոշափվել է արտաքին ֆինանսավորման վերաբերյալ վրացական օրենսդրական նորարարությունները։ Դեսպանը պարզաբանել է, որ նոր օրենսդրության համար համապատասխան կանոնների մշակման գործընթացը մոտենում է ավարտին, և բոլոր շահագրգիռ կողմերին անհապաղ կտրամադրվի անհրաժեշտ տեղեկատվություն։
Խոսելով Վրաստանում ընթացող գործընթացների մասին՝ արտաքին գործերի նախարարը նշել է, որ իրավական գործընթացները չպետք է քաղաքականացվեն, և, հետևաբար, դատական գործընթացի վրա ազդելու փորձեր չպետք է լինեն։
Նշենք, որ երեկ Վրաստանում ստեղծված իրավիճակը քննարկվել է Մեծ Բրիտանիայի խորհրդարանում։
