«Փոփոխությունների համար կոալիցիա»-ի առաջնորդներից մեկը՝ Էլենե Խոշտարիան, անդրադարձել է Վրաստանի վերաբերյալ Եվրախորհրդարանի քննադատական բանաձևին։ Նրա գնահատմամբ, բանաձևը, մի կողմից, դատավճիռ է «Վրացական երազանք»-ի համար, իսկ մյուս կողմից՝ աջակցություն և հարգանք եվրոպամետ բողոքի ակցիային մասնակցող քաղաքացիների նկատմամբ։
«Եվրոպական խորհրդարանն ընդունեց երկամյա գնահատման ամենակարևոր փաստաթուղթն ու դատավճիռ կայացրեց և՛ «Վրացական երազանք»-ի նկատմամբ, և՛ մեծագույն աջակցություն ու գործնականում մեծագույն հարգանք հայտնեց բոլոր այն դիրքորոշումների, զգացմունքների և կարծիքների նկատմամբ, որոնք լսվում են Ռուսթավելիի վրա մեր մեծ, եվրոպամետ, վրացամետ պայքարում։
Այս բանաձևը խոսում է «Վրացական երազանք»-ի նկատմամբ կոնկրետ և բավականին ցավոտ որոշումների մասին, և Եվրոպան արտահայտում է իր պատրաստակամությունը գործողությունների առումով։ Ահա թե ինչու սա իսկապես մեծ հաղթանակ է մեր արևմտամետ, վրացամետ, ընդհանուր ազգային պայքարի համար, և բոլոր նրանք, ովքեր պայքարում են՝ անկախ նրանից, թե այսօր բանտում են և մեզ հետևում են իրենց խցերից, Ռուսթավելիից, թե դատարանի բակից, պետք է իմանան, որ ձեր կատարած գործը մեծ նշանակություն ունի», — ասել է Էլենե Խոշտարիան։
