Հանրային պաշտպանի (Լևան Իոսելիանի) ներկայացուցիչներն այցելել են կալանավորված ակտիվիստ և ուսուցչուհի Նինո Դաթաշվիլիին։
Օմբուդսմենի գրասենյակի հայտարարության մեջ նշված է, որ Դաթաշվիլին նրանց հետ քննարկել է մի շարք հարցեր։
Օմբուդսմենի գրասենյակը հայտնել է, որ ակտիվիստի տրամադրած տեղեկությունները, իր իսկ խնդրանքով, չեն հրապարակայնացվի։
«Հունիսի 27-ին, հուլիսի 11-ին և 16-ին հանրային պաշտպանի ներկայացուցիչներն այցելել են 5-րդ քրեակատարողական հիմնարկում պահվող Նինո Դաթաշվիլիին։
Հանդիպման ընթացքում Նինո Դաթաշվիլին ներկայացուցիչների հետ քննարկել է այն հարցերը, որոնց վերաբերյալ Հանրային պաշտպանի գրասենյակը դիմել է Վրաստանի գլխավոր դատախազությանը, Ներքին գործերի նախարարությանը և Հատուկ քրեակատարողական ծառայության բժշկական դեպարտամենտին։
Հատկանշական է, որ հուլիսի 11-ին Նինո Դաթաշվիլին խնդրել է հանրային պաշտպանի ներկայացուցիչներին չհրապարակել իր մասին տրամադրված տեղեկությունները։ Համապատասխանաբար, գրասենյակը չի բացահայտել Նինո Դաթաշվիլիի առողջական վիճակի վերաբերյալ որևէ հատուկ կատեգորիայի անձնական տեղեկատվություն», — ասված է Հանրային պաշտպանի գրասենյակի հայտարարության մեջ։
