Սփյուռքի մի շարք կազմակերպություններ և ներգաղթյալների ասոցիացիաներ համատեղ հայտարարություն են տարածել Մզիա Ամաղլոբելիի դատական գործի վերաբերյալ։
«Մենք ժամանակ և ջանք չենք խնայի ապահովելու համար, որ յուրաքանչյուր ոք, ով մասնակցում է Մզիայի դեմ քաղաքական դրդապատճառներով, անհիմն և անօրինական գործի կեղծմանը, նրա նկատմամբ բռնությանը, հանրությանը մատուցվող ապատեղեկատվությանը, նաև յուրաքանչյուր ոք, ով պատրաստում, աջակցում և կայացնում է դատական որոշումը, պատասխանատվության ենթարկվի ազատ և ժողովրդավարական դատական համակարգի առջև»,- գրված է հայտարարության մեջ։
Նրանց խոսքով` վրացական հասարակությունը պայքարում է բռնաճնշող հակավրացական ռեժիմի դեմ։
«Մոտակա օրերին «Վրացական երազանք» կուսակցությունը պատրաստվում է դատավճիռ կայացնել Մզիա Ամաղլոբելիի դեմ և դրանով կստորագրի նաև իր սեփական դատավճիռը»,-գրել են նրանք։
Հայտարարությունը ստորագրել են մի շարք կազմակերպություններ, դրանց թվում`
- «Հարթակ 2025»
- Վրացական համայնքը Կիպրոսում. «Ուժը միասնության մեջ է»
- Դանիայում վրացական սփյուռքի անդամներ
- «Թամարիելի» ասոցիացիա
- «Սերունդներ Վրաստանի համար»
- Վրացական համայնքը Ավստրիայում և այլն։
