Եվրոպամետ բողոքի ցույցերի ժամանակ ձերբակալված Անատոլի Գիգաուրին դատապարտվեց 2 տարի ազատազրկման.  դատավճիռը հրապարակել է Թբիլիսիի քաղաքային դատարանի դատավոր Ջվեբե Նաճկղեբիան։

Գիգաուրիին ներկայացված մեղադրանքը՝ «ոստիկանի նկատմամբ հարձակում», դատավորը վերաորակել է Քրեական օրենսգրքի 353-րդ հոդվածի 1-ին մասով` ոստիկանին դիմադրություն, որը կատարվել է բռնությամբ կամ բռնության սպառնալիքով։

Հիշեցնենք, որ Գիգաուրին ձերբակալվել է 2024 թվականի նոյեմբերի 24-ին՝ Ռուսթավելիի պողոտայում տեղի ունեցած միջադեպի պատճառով։ Նրան մեղադրում էին ոստիկան Վախթանգ Գաբունիային հարվածելու համար։

Գիգաուրիին պաշտպանող կողմը նշել է, որ այդ փաստին նախորդել է նույն ոստիկանի կողմից բռնությունը՝ դեմքին հարված, ըստ Գիգաուրիի` նախքան կհասցներ ոլորել նրա ձեռքը, ոստիկանն է հարվածել իրեն։

Պաշտպանության խոսքով՝ Գիգաուրին գործել է ըստ անհրաժեշտ ինքնապաշտպանության։