Galt & Taggart հետազոտական կազմակերպության տվյալներով՝ Վրաստանի տնտեսությունը 2026 թվականին կաճի 6%-ով։
Ըստ կազմակերպության՝ հաջորդ տարի տնտեսության 6% աճը կապահովվի շարունակական կայուն արտարժույթի ներհոսքով, լարիի կայունությամբ և գնաճի տեմպի դանդաղմամբ։
«2025 թվականին Վրաստանի տնտեսությունը պահպանեց իր աճի բարձր տեմպը՝ իրական ՀՆԱ-ն 2025 թվականի հունվար-հոկտեմբեր ամիսներին հասցնելով 7.6%-ի, իսկ միջազգային պահուստները հասան ռեկորդային 5.8 միլիարդ դոլարի։
Տնտեսական աճի հիմնական շարժիչ ուժը սպառումն էր, որին զգալիորեն նպաստեցին արտարժույթի առատ ներհոսքը և լարիի կայունությունը։ Մեր կանխատեսմամբ՝ Վրաստանի տնտեսությունը 2026 թվականին կաճի 6%-ով, որին կաջակցեն շարունակական կայուն արտարժույթի ներհոսքերը (հատկապես զբոսաշրջությունից, որի եկամուտը, մեր գնահատականներով, կհասնի 4.9 միլիարդ դոլարի), լարիի կայունությունը և գնաճի դանդաղումը, ինչը դրական ազդեցություն կունենա սպառողների և ներդրումային տրամադրությունների վրա։ Տնտեսական ակտիվության վրա դրական ազդեցություն կունենան նաև կառավարության կապիտալ ծախսերի տարեկան 9.4% աճը։
Մեր կանխատեսմամբ՝ միջնաժամկետ հեռանկարում տնտեսական աճ է սպասվում 5.5%-ի սահմաններում։ Սակայն ռիսկերը հիմնականում կապված են քաղաքական և աշխարհաքաղաքական անորոշությունների հետ», — նշված է ուսումնասիրության մեջ։
Galt & Taggart-ը կանխատեսում է նաև, որ տարեկան միջին գնաճը 2026 թվականին կդանդաղի մինչև 3%։
