Ցխինվալիի օկուպացված շրջանի փաստացի կառավարության որոշմամբ վտարված քաղաքացիական ակտիվիստ Թամար Մեարակղիշվիլին հայտնել է Ախալգորիում բնակվող իր տարեց ծնողների վրա գործադրված ճնշման մասին:
Ակտիվիստի խոսքով՝ անհայտ անձինք գնացել են նրանց տուն, խուզարկել և առգրավել հեռախոսները։
Մեարակղիշվիլին օգնության համար դիմել է Ռուսաստանի նախագահի աշխատակազմի ղեկավարի առաջին տեղակալ և «Ցխինվալիի կուրատոր Կրեմլում» Սերգեյ Կիրիենկոյին։
«Դադարեցրեք այս քաոսը: Ինչ էլ որ պատահի իմ ծնողներին և ընտանիքին, խնդրում եմ մեղադրեք Ալան Էդուարդովիչ Գագլոևին: Նա սկսեց գործողություններ ձեռնարկել իմ դեմ, քանի որ ես բացահայտեցի մեր շրջանում նրա պաշտոնյաների իրականացրած կոռուպցիոն սխեմաները: Իմ բոլոր հայտարարություններն ու փաստերը հիմնված են ինչպես ռուսական, այնպես էլ հարավօսական աուդիտների արդյունքների վրա», — ասել է Մեարակղիշվիլին:
