2026 թվականին Վրաստանը կլինի սննդամթերքի գների ամենաբարձր աճ ունեցող երկրների շարքում. Միավորված ազգերի կազմակերպության կանխատեսմամբ` սննդամթերքի գնաճը կհասնի 8.2%-ի, և Վրաստանը 21-րդը կլինի աշխարհի 160 երկրների շարքում, հայտնել է VisualCapitalist-ը:

Կանխատեսվում է, որ Իրանը կգլխավորի աշխարհը գների աճի տեմպով՝ 55.9%-ով, որին կհաջորդեն Արգենտինան (33.2%) և Թուրքիան (25.1%): Վրաստանի հարևանների շարքում Ադրբեջանը կզբաղեցնի 26-րդ տեղը՝ 6.8% աճով, Ռուսաստանը՝ 48-րդ տեղը (4.6%), իսկ Հայաստանը՝ 79-րդը (3.1%):

2026 թվականի փետրվարի դրությամբ Վրաստանում տարեկան գնաճը կազմել է 4.6%: Ամենամեծ գնային աճը գրանցվել է սննդամթերքի և ոչ ալկոհոլային խմիչքների ոլորտներում՝ 9.5%:

2025 թվականի վերջին Վրաստանի վարչապետ Իրակլի Կոբախիձեն հանրությանը խոստացավ «կարգավորել» սննդամթերքի բարձր գները։