«Վրացական երազանք»-ի վարչապետ Իրակլի Կոբախիձեն հանդիպել է Ղազախստանի Հանրապետության արտաքին գործերի նախարար Էրմեկ Կոշերբաևին։
Ավելի ուշ հանդիպման մասին Իրակլի Կոբախիձեն գրառում է կատարել՝ նշելով, որ կողմերը ևս մեկ անգամ հաստատել են «գործընկերության հետագա խորացման պատրաստակամությունը»։
«Հանդիպել եմ Ղազախստանի Հանրապետության արտաքին գործերի նախարար Էրմեկ Կոշերբաևին։ Մենք ևս մեկ անգամ վերահաստատեցինք մեր երկրների միջև առկա ամուր ու բարեկամական հարաբերությունները և մեր պատրաստակամությունը՝ հետագայում ևս խորացնելու գործընկերությունը», — գրել է Իրակլի Կոբախիձեն։
