Եվրոպայի խորհրդի նախարարների տեղակալների կոմիտեի 1558-րդ նիստում քննարկվել է Եվրոպայի խորհրդի գլխավոր քարտուղարի 33-րդ «Կոնֆլիկտը Վրաստանում» զեկույցը, հաղորդել է Վրաստանի արտաքին գործերի նախարարությունը։

Նիստին մասնակցել է Վրաստանի արտաքին գործերի նախարարի տեղակալ Լաշա Դարսալիան։

Արտգործնախարարության մամուլի հաղորդագրության մեջ նշված է, որ 33-րդ համախմբված զեկույցը ներկայացրել է Եվրոպայի խորհրդի գլխավոր քարտուղար Ալեն Բերսեն։

«Զեկույցն արտացոլում է 2025 թվականի հոկտեմբերից մինչև 2026 թվականի մարտը օկուպացված տարածքներում տեղի ունեցած զարգացումները։

Փաստաթղթում նկարագրվում է Ռուսաստանի օկուպացրած Վրաստանի շրջաններում և օկուպացիոն գծի երկայնքով անվտանգության, մարդու իրավունքների և մարդասիրական իրավիճակը», — ասված է նախարարության հաղորդագրության մեջ։