Ազգային վիճակագրական ծառայության նախնական գնահատմամբ՝ 2026 թվականի հուլիսին, նախորդ տարվա համապատասխան ժամանակահատվածի համեմատ, համախառն ներքին արդյունքի (ՀՆԱ) իրական աճը կազմել է 8%, իսկ առաջին յոթ ամիսների միջին ցուցանիշը սահմանվել է 7.9%։

Ծառայության տվյալներով՝ հուլիսի ընթացքում Վրաստանի մասնավոր հատվածի, այսինքն՝ ԱԱՀ վճարող ընկերությունների շրջանառությունը կազմել է 17․7 միլիարդ լարի, ինչը նախորդ տարվա համեմատ 12․6%-ով ավելի է։

Ըստ վիճակագրության՝ հուլիսին տնտեսության գրեթե բոլոր ոլորտներում աճ է գրանցվել, իսկ միակ բացառությունը շինարարության ոլորտն էր։

«2026 թվականի հուլիսին, նախորդ տարվա համապատասխան ժամանակահատվածի համեմատ, աճի ուղղությամբ զգալի ավանդ են ունեցել հետևյալ ոլորտները` մշակող արդյունաբերություն, տեղեկատվություն և կապ, ֆինանսական և ապահովագրական գործունեություն, հանքարդյունաբերություն, տրանսպորտ և պահեստավորում։ Նվազման միտում է գրանցվել շինարարության ոլորտում»,- ասված է  նախնական զեկույցում։