Վրաստանում գտնվող ԱՄՆ Կոնգրեսի պատվիրակությունը հանդիպել է նախագահ Սալոմե Զուրաբիշվիլիի հետ։
Պատվիրակության ղեկավար սենատոր Քրիս Քունսը նախագահական նստավայրում Զուրաբիշվիլիի հետ ճեպազրույցում անդրադարձել է վրաց-ամերիկյան հարաբերություններին, Վրաստանի Եվրաինտեգրմանը և Ուկրաինայում ընթացող պատերազմին։
«Մենք այստեղ ենք, քանի որ տեսնում ենք, թե ինչ կարևոր քայլեր է անում Վրաստանը տարածաշրջանում և համաշխարհային ասպարեզում։ Հուսով ենք, որ Եվրամիությունը շուտով կողջունի ձեզ», — ասել է Քունսը։
Սալոմե Զուրաբիշվիլին ընդգծել է, որ կարևորում է ԱՄՆ-ի աջակցությունը Վրաստանին Մադրիդում կայանալիք ՆԱՏՕ-ի գագաթնաժողովում՝ բաց դռների քաղաքականությանը նոր խթան և նոր հեռանկար հաղորդելու համար:
«Մենք հետևում ենք Ուկրաինայում տեղի ունեցող սարսափելի դեպքերին, շնորհակալ ենք ձեզ հստակ հայտարարությունների համար։
Շատ շնորհակալ եմ 1992 թվականից ի վեր Վրաստանի ժողովրդի գրանցած գերազանց առաջընթացի համար՝ չնայած հակամարտությանը, ներքին և արտաքին սպառնալիքներին»,- ասել է Քունսը։
Հիշեցնենք, որ ԱՄՆ Պետական և արտաքին հանձնարարությունների ենթահանձնաժողովի նախագահ և Սենատի արտաքին հարաբերությունների հանձնաժողովի անդամ սենատոր Քրիս Քունսը գլխավորում է ԱՄՆ-ի պատվիրակության այցը Ֆրանսիա, Վրաստան և Իտալիա:
