Բաթումիում՝ Վրաստանի Սահմանադրական դատարանի շենքի մոտ, հինգ ընդդիմադիր ուժերի հակասահմանադրական ճանաչելու վերաբերյալ հայցի քննությանը զուգահեռ, բողոքի ակցիա է հայտարարվել։
Ընդդիմադիր քաղաքական կուսակցությունների ներկայացուցիչները բողոքի ակցիան կսկսեն հոկտեմբերի 21-ին, ժամը 11:00-ից։
«Միացյալ ազգային շարժում» կուսակցության անդամ Բոնդո Թեդորաձեի հայտարարությամբ՝ ընդդիմադիր ուժերի ներկայացուցիչներն ու քաղաքացիները դատարանի շենքի մոտ կհավաքվեն առավոտյան։
Նրա խոսքով՝ Սահմանադրական դատարանում, որտեղ պետք է քննարկվի քաղաքական կուսակցությունների արգելման հարցը, տեղի կունենա Վրաստանի պատմության մեջ «ամենաամոթալի և հանցավոր» գործընթացներից մեկը։
«Հոկտեմբերի 21-ին Սահմանադրական դատարանում տեղի կունենա Վրաստանի պատմության մեջ ամենաամոթալի և հանցավոր դատական գործընթացներից մեկը։ Գիտեք, որ ռուսական իշխանությունը ծրագրում է արգելել կուսակցությունները։ Մենք կհավաքվենք և ծրագրում ենք մասնակցել դատական գործընթացին․ իրավաբաններն անձամբ կներկայանան դատին, իսկ մենք շենքի մոտ կբողոքենք այս հանցագործության դեմ։ Քաղաքակիրթ երկրում, որը հավակնում է զարգացման, ժողովրդավարական և արևմտյան արժեքների, նման գործընթացներ չեն ընթանում ոչ ներկայում, ոչ էլ ծրագրվում են ապագայում», — հայտարարում է Բոնդո Թեդորաձեն։
