Վրաստանի վարչապետ Իրակլի Ղարիբաշվիլին պաշտոնական այցով մեկնել է Թուրքմենստան։

Երեկ Թուրքմենստանի մայրաքաղաք Աշխաբադի միջազգային օդանավակայանում տեղի է ունեցել Վրաստանի վարչապետի դիմավորման արարողությունը, փոխանցում է կառավարության վարչակազմի մամուլի ծառայությունը։

Ղարիբաշվիլիին դիմավորել են Թուրքմենստանի ֆինանսների և էկոնոմիկայի նախարար Մուհամմեթգելդի Սերդարովը և Թուրքմենստանում Վրաստանի ժամանակավոր հավատարմատար Ավթանդիլ Նափետվարիձեն։

Այցի շրջանակներում վարչապետը երկկողմ հանդիպում կունենա Թուրքմենստանի նախագահ Սերդար Բերդիմուհամեդովի, այլ պաշտոնատար անձանց հետ։