Վրաստանի գնահատման և քննությունների ազգային կենտրոնի (NAEC) փոխանցմամբ՝ հայտնի են ազգային ուսումնական օլիմպիադայի երրորդ փուլի արդյունքները:
Արդյունքները հնարավոր է տեսնել online.naec.ge կայքում՝ օգտագործելով իննանիշ և քառանիշ կոդերը։
Ի դեպ, 2022-2023 ուսումնական տարվա ազգային ուսումնական օլիմպիադայի երրորդ փուլի հաղթող է ճանաչվում այն մասնակիցը, ով հավաքել է համապատասխան առարկայի թեստից առավելագույն միավորի առնվազն 60 տոկոսը և համապատասխան դասարանի ու առարկայի վարկանիշային ցուցակի առաջին տասնյակում է:
Առավելագույն բալերն ըստ առարկաների՝ հասանելի են այս հղմամբ:
Այն դեպքում, երբ օլիմպիադայի մասնակիցը համաձայն չէ գնահատման հետ, կարող է բողոքարկել այն. բողոքարկման հայցադիմումները կընդունվեն մարտի 23-ից, ժամը 10:00-ից մինչև մարտի 24-ը, ժամը 18:00-ն:
