Հոկտեմբերի 22-ին Վրաստանում ՀՀ դեսպան Աշոտ Սմբատյանին ընդունել է Վրաստանի Պետական անվտանգության ծառայության (ՊԱԾ) նորանշանակ ղեկավար Մամուկա Մդինարաձեն: Այս տեղեկությունը հայտնել է Վրաստանում Հայաստանի դեսպանությունը։
Հաղորդագրության համաձայն՝ դեսպանը շնորհավորել է Մդինարաձեին պաշտոնը ստանձնելու կապակցությամբ՝ մաղթելով հաջողություններ և արդյունավետ գործունեություն։
Հանդիպման ընթացքում քննարկվել է երկու երկրների պատկան մարմինների համագործակցության հարցը։
Նշենք, «Վրացական երազանք»-ի կառավարության վարչապետ Իրակլի Կոբախիձեն Վրաստանի պետական անվտանգության ծառայության (ՊԱԾ) ղեկավար Մամուկա Մդինարաձեին շնորհել է պետական անվտանգության ավագ լեյտենանտի կոչում։
Կոբախիձեի հոկտեմբերի 23-ի հրամանագրով՝ պետական անվտանգության ծառայության ղեկավարը, որն այժմ ունի պետական անվտանգության լեյտենանտի կոչում, հոկտեմբերի 30-ին ավելի բարձր կոչում կունենա։
