Ցածր բյուջետային թուրքական Pegasus Airlines ավիաընկերությունը կանոնավոր թռիչքներ է սկսել Անկարա-Թբիլիսի-Անկարա ուղղությամբ՝ Թբիլիսիի միջազգային օդանավակայանից։

Առկա տեղեկություններով՝ ավիաընկերությունը նոր ուղղությամբ կթռչի շաբաթական երկու անգամ՝ չորեքշաբթի և կիրակի օրերին։

Նշենք, որ 2019-2020 թվականներին Թբիլիսիի միջազգային օդանավակայանից դեպի Անկարա թռիչքներ է իրականացրել Turkish Airlines-ը։

Ներկայումս Pegasus Airlines -ը շաբաթական 17 չվերթ է իրականացնում Թբիլիսիի միջազգային օդանավակայանից Ստամբուլ։

Ավիաընկերությունը նախատեսում է շարունակել նաև կանոնավոր չվերթները դեպի Անթալիա՝ առաջին անգամ ձմեռային սեզոնին: