«Բաթումելեբի»-ի և «Նեթգազեթի»-ի հիմնադիր, լրագրող և մեդիա մենեջեր Մզիա Ամաղլոբելին, որը ներկայում բանտում է, Եվրոպական Միության մարդու իրավունքների բարձրագույն մրցանակի՝ Սախարովի անվան մրցանակի դափնեկիր դարձավ։ Բելառուս լրագրող Անջեի Պաչոբուտը ևս արժանացել է նույն մրցանակին։
Սախարովի մրցանակը Եվրոպական Միության մարդու իրավունքների բարձրագույն մրցանակն է և աջակցում է անհատներին, խմբերին ու կազմակերպություններին, որոնք ակնառու ներդրում են ունեցել խոսքի ազատության պաշտպանության գործում։
Մրցանակը հիմնադրվել է 1988 թվականին և անվանակոչվել է խորհրդային այլախոհ Անդրեյ Սախարովի անունով. մրցանակը գնահատում է խոսքի ազատության, փոքրամասնությունների իրավունքների և օրենքի գերակայության ոլորտներում ջանքերը։
Սախարովի անվան մրցանակի ամենաազդեցիկ դափնեկիրների թվում են Նելսոն Մանդելան, պակիստանցի ակտիվիստ Մալալա Յուսուֆզայը և այլք։ 2022 թվականին մրցանակը շնորհվեց ուկրաինացի ժողովրդին՝ ռուսական ագրեսիային դիմադրելու և ազգային ինքնիշխանությունը պաշտպանելու համար։
