Հոկտեմբերի 14-ին, ժամը 20:00-ին Թբիլիսիի Ազատության հրապարակում ուկրաինացի ակտիվիստները, Վրաստանում բնակվող այլ ուկրաինացիներ և նրանց համախոհները «Պաշտպանում ենք Ուկրաինային» միջազգային արշավի շրջանակում ակցիա կանցկացնեն։
Աշխարհի տարբեր երկրներում ցույցեր են նախատեսված հոկտեմբերի 14-ից 16-ը։ Արշավը նվիրված է «Ուկրաինայի պաշտպանների օրվան», որը նշվում է ամեն տարի` հոկտեմբերի 14-ին։
Կազմակերպիչները հրավիրում են լրատվամիջոցների ներկայացուցիչներին, տեղական իշխանություններին, Թբիլիսիի ուկրաինացիներին, նաև Ռուսաստանի գործողություններից մտահոգված բոլոր վրացիներին։
Ուկրաինայի պաշտպանների օրը նշվում է 2014 թվականից. առաջին անգամ այս օրը նշվել է այդ ժամանակահատվածի նախագահ Պյոտր Պորոշենկոյի հրամանով։
