Վրաստանից Ադրբեջան արտաքսված և գրեթե մեկ ամիս առաջ Ադրբեջանի միջազգային անձնագիր ստացած ադրբեջանցի լրագրող Աֆգան Սադիգովը պնդում է, որ իրեն թույլ չեն տալիս լքել երկիրը։
Մայիսի 26-ի կեսգիշերին Բաքվի միջազգային օդանավակայանում գտնվող Աֆգան Սադիգովն այս տեղեկությունը գրել է Ֆեյսբուքում։
«Ինձ արգելված է լքել երկիրը։ Մաքսատանն ինձ ասացին, որ այս արգելքը սահմանել են Հանրապետության գլխավոր դատախազությունն ու Ներքին գործերի նախարարությունը», — գրել է նա։
Նա նաև հավելել է, որ իր դեմ որևէ քրեական կամ վարչական վարույթ չի ընթանում։
