ԵՄ խոսնակ Անիտա Հիպերի խոսքով՝ Վրաստանում Գերմանիայի դեսպանը լիակատար վստահություն է վայելում, և նրա հայտարարություններն արտացոլում են ԵՄ-Վրաստան հարաբերությունների իրական պատկերը։
«Հետևաբար, մեր ուղերձն իշխանություններին՝ դադարեցնել մեր դեսպանի վրա հարձակումները միայն այն պատճառով, որ նա կատարում է իր աշխատանքը։ Ցավոք, ինչին մենք ականատես ենք լինում վրացական կողմից, ապատեղեկատվություն տարածելու լայնածավալ փորձ է։ Այս հարձակումը ևս մեկ անգամ ցույց է տալիս, որ մենք գործ ունենք իրական իրավիճակի աղավաղման հետ՝ անմեղ ցուցարարների, քաղաքացիական հասարակության ներկայացուցիչների և քաղաքական գործիչների նկատմամբ բռնության», — ասել է Անիտա Հիպերը՝ պատասխանելով վրացի լրագրողի հարցին։
Ահա թե ինչու, նրա խոսքով, ԵՄ գործողությունները համարժեք են վրացական իշխանությունների գործողություններին, լինի դա բոլոր քաղաքական շփումների մակարդակի բացարձակ կրճատում, թե կառավարությանը տրամադրվող ֆինանսական աջակցության կտրուկ կրճատում։
Նա ասել է, որ ԵՄ-ն ցանկանում է «Վրացական երազանք»-ից տեսնել կոնկրետ գործողություններ, որոնք կարտացոլվեն քաղաքացիական հասարակության հետ երկխոսությամբ։
