Մարզիկ ու գործարար Զազա Փաչուլիան նախատեսում է Ռաճայում կառուցել «Սադմելի ՀԷԿ»-ը: Այս մտադրության մասին հայտնի է դարձել Վրաստանի կառավարության 661-րդ որոշմամբ։
Իրակլի Կոբախիձեի ստորագրած փաստաթղթի համաձայն՝ կառավարությունը Զազա Փաչուլիայի «Սադմելի ՀԷԿ» ընկերությանը փոխանցել է Ամբրոլաուրիի մունիցիպալիտետում գտնվող 29,007 քմ մակերեսով հողամաս 49 տարի ժամկետով` զարգացնելու իրավունքով, որի համար ներդրողը պետք է տարեկան վճարի 18,973 լարի:
Ըստ Պետական էլեկտրահամակարգի հրապարակած Վրաստանի փոխանցման ցանցի տասնամյա զարգացման ծրագրի, «Սադմելի ՀԷԿ»-ի հզորությունը կկազմի 2.7 ՄՎտ, իսկ տարեկան արտադրանքը՝ 19.2 մլն կՎտ/ժ: Հիդրոէլեկտրակայանը պետք է շահագործման հանձնվի մինչև 2027 թվականի սեպտեմբերի 30-ը:
