Վրաստանի նախագահ Գիորգի Մարգվելաշվիլին ընդունել է Միացյալ Թագավորության Եվրոպայի և Ամերիկաների հարցերով նախարար, Խորհրդարանի անդամ Ալան Դունկանին: Հանդիպմանը քննարկվել են Վրաստանի և Մեծ Բրիտանիայի միջև հարաբերությունների հետագա զարգացմանը վերաբերող հարցեր:
Մարգվելաշվիլին շնորհակալություն է հայտնել ՄԹ Եվրոպայի հարցերով նախարարին՝ վրաց-աբխազական շփման գիծ այցելելելու համար: «Շատ կարևոր է, որպեսզի օկուպացված տարածքների վերաբերյալ խնդիրը միջազգային օրակարգում ակտիվ քննարկման առարկա դառնա»,-ասել է նախագահը։
Նախագահի մամլո ծառայության տեղեկատվության համաձայն՝ հանդիպմանը անդրադարձ է կատարվել երկկողմ քաղաքական, տնտեսական և անվտանգության ոլորտի ակտուալ հարցերի լայն սպեկտրի:
Հիշեցնենք՝ Ալան Դունկանը նոյեմբերի 24-ին Վրաստան կատարած այցի շրջանակներում այցելել է նաև Վրաստանի կողմից չվերահսկվող Հարավային Օսիային սահմանակից վրացական գյուղեր, տեղում ծանոթացել առկա խնդիրներին:
