Կայացել է Վրաստանում Մեծ Բրիտանիայի դեսպան Ջասթին Մակենզ Սմիթի և Վրաստանի փոխվարչապետ, Արտաքին գործերի նախարար Միխեիլ Ջանելիձեի հանդիպումը։
Դեսպանը շնորհակալություն է հայտնել Վրաստանի Արտաքին գործերի նախարարին՝ աջակցելու Մեծ Բրիտանիայից սկսված ռուս դիվանագետներին վտարելու ակցիային։
Հիշեցնենք՝ Վրաստանի Արտաքին գործերի նախարարությունը անընդունելի անձ է համարել Թբիլիսիում Շվեյցարիայի Համադաշնության դեսպանության Ռուսաստանի շահերը ներկայացնող բաժնի աշխատակցին՝ պահանջելով երկիրը լքել 7 օրվա ընթացքում:
Imedinews.ge-ի փոխանցմամբ, Վրաստանում Շվեյցարիայի դեսպանատան Ռուսաստանի շահերը ներկայացնող բաժնում աշխատում է թվով 10 ռուս դիվանագետ։
Ռուս դիվանագետներին արտաքսելու որոշում է կայացրել ավելի քան 20 պետություն Սոլսբերի քաղաքում տեղի ունեցած քիմիական հարձակումից հետո, երբ ծանր թունավորում էին ստացել Ռուսաստանի ռազմական հետախուզության պաշտոնաթող գնդապետ Սերգեյ Սկրիպալը և նրա դուստր Յուլիան։
Նյութի աղբյուր imedinews.ge
