«300 կին» շարժումն այսօր դիմել է դատախազություն և պահանջել, որ ուսուցչուհի և ակտիվիստ Նինո Դաթաշվիլիի նկատմամբ խափանման միջոց ընտրված կալանքը փոխարինվի գրավով։
«Մենք՝ կանայք, մեր համերաշխությունն ենք հայտնում ուսուցչուհի Նինո Դաթաշվիլիին և այսօր դիմել ենք դատախազություն՝ ավելի քան 300 կանանց ստորագրած հայտարարությամբ։ Մենք պահանջում ենք, որ կիրառված խափանման միջոցը՝ կալանքը, փոխարինվի ավելի մեղմ խափանման միջոցով, այն է՝ Նինո Դաթաշվիլիի դեմ գրավ կիրառվի, քանի որ նրա առողջական վիճակը շատ ծանր է, և այս խափանման միջոցը պետք է կիրառվի Նինոյի կյանքը փրկելու համար», — ասել է Թեոնա Ճելիձեն։
Նինո Դաթաշվիլիի դատավարությունը նշանակված է այսօր` ժամը 12:00-ին, Թբիլիսիի քաղաքային դատարանում։ Նրա փաստաբանները, ընտանիքի անդամները և ընկերները հայտնել են, որ Դաթաշվիլիի առողջական վիճակը կտրուկ վատացել է քրեակատարողական հիմնարկում, և նա երկու վիրահատության կարիք ունի։
